Тэрмін падачы заявак заканчваецца: 26.10.2025
Запрашаем на інфармацыйную сустрэчу па стыпендыяльнай праграме GFPS.
Спасылка для падачы заявак: https://forms.gle/to6fmfVLdPUo5eAH8
Панэль Кандыдата для падачы стыпендыяльных заявак: https://sites.google.com/gfps.pl/nowy-kandydat
Стыпендыяльная праграма маладзёжнай арганізацыі GFPS-Polska прапануе стыпендыі для студэнтаў або аспірантаў аднаго з беларускіх ці польскіх універсітэтаў.
Стыпендыя GFPS прапануе:
- стыпендыю ў памеры 2500 злотых;
- 5-месячнае знаходжанне ў адным з універсітэцкіх цэнтраў у Польшчы;
- апеку з боку мясцовага прадстаўніцтва GFPS-Polska;
- удзел у двух семінарах: „Dnia Miast”, а таксама ў „Forum” у Польшчы, Германіі або Чэхіі.
Хто можа падаваць заяўкі на конкурсны адбор?
- маюць беларускае грамадзянства;
- на працягу перыяду адбору і знаходжання ў Польшчы з’яўляюцца студэнтамі, аспірантамі або навуковымі асістэнтамі аднаго з беларускіх ці польскіх універсітэтаў;
- маюць сертыфікат, які пацвярджае ўзровень валодання польскай мовай;
- неабыякавыя да грамадскага жыцця і цікавяцца еўрапейскай ідэяй.
Месца навучання ў Польшчы
- кандыдатам з беларускіх ВНУ неабходна адзначыць у анкеце 3 універсітэцкія гарады, у якіх яны хацелі б вучыцца, паколькі мы таксама будзем улічваць перавагі стыпендыятаў. Хаця не ўсе пажаданні могуць быць выкананы. Гэта, натуральна, залежыць ад актыўнасці мясцовай групы GFPS і магчымасці супрацоўніцтва з універсітэтам.
- кандыдатам з польскіх універсітэтаў неабходна пазначыць у анкеце ўніверсітэт, у якім на момант падачы дакументаў студэнт/студэнтка навучаецца.
Працэс адбору складаецца з двух этапаў:
- фармальная і змястоўная ацэнка заявак;
- сумоўе (прыблізна ў сярэдзіне лістапада, на польскай мове) праз Google Meet з кандыдатамі, чые заяўкі атрымалі высокую ацэнку на першым этапе адбору.
Парады па правільным запаўненні заяўкі
Наступнае відэа дасць табе парады па правільным запаўненні заяўкі на стыпендыю.Спасылка на слайды.
Неабходныя дакументы:
З верасня 2025 года мы прымаем заяўкі толькі анлайн праз Панэль Кандыдата GFPS: https://sites.google.com/gfps.pl/nowy-kandydat.
Запрашаем стварыць уліковы запіс і падаць заяўку.
Прыклад стыпендыяльнай заяўкі: асноўныя даныя, матывацыя і навуковы праект
